العرق دساسن على الزين والعيـب

[أنثى بعقل رجل]

<a href="register.php"><img border="0" src="images/no_images.gif" width="375" height="300"></a> (<a href="register.php"><img border="0" src="images/no_images.gif" width="375" height="300"></a>)

قصيدة رائعة
لشاعر :سعيد بن فالح ال قير
العله اللـي بالحشاعيـت تطيـب=والبـال ضايـق ماتهنـا منـامـه
تسببت لي في طلـوع المراقيـب=وهمي كما ليل(ن) يتـوه ظلامـه
جريت بالمـوال ولاحـي الذيـب=كنه يقـول الذيـب هـذا علامـه
رديـت لـه والله ياذيـب مانيـب=آقف مواقيـف الـردا والرخامـه
الآدمـي عايـش حياةالتجاريـب=يومن على جرفن ويومـن عدامـه
العرق دساسن على الزين والعيـب=ولافيه شخصن في جبينـه علامـه
غرتني دقونن على الوجه تركيـب=وأهـل التصنـع ماعليهـا ملامـه
جساس يغدر في ولد عمـه كليـب=والزيـر سالـم مايفيـد انتقـامـه
أهل الحيل والكذب واهل الاساليب=يبطون ماجابوا على الراس هامـه
رجل الوفا يلقى حلال المكاسيـب=ولا الردي يلقـا الرذيلـه طعامـه
رجلن يقرب نفسه الشك والريـب=حرام يلبس لـه ثيـاب وعمامـه
حبل المراجل كايـدن بالمطاليـب=ماكـل رجالـن وفـا بالتـزامـه
رجلن ضوى كن المراجل معازيب=يفرض على كل الرجال احترامـه
من لا كسب من صافيات المشاريب=راحـت حياتـه كلبوهـا نـدامـه


<a href="register.php"><img border="0" src="images/no_images.gif" width="375" height="300"></a> (<a href="register.php"><img border="0" src="images/no_images.gif" width="375" height="300"></a>)

[محمد الطحيمر]

غرتني دقونن على الوجه تركيـب
وأهل التصنـع ماعليهـا ملامـه

والبيت هذا يذكرني بقول المثل

يعطيك من طرف اللسان حلاوتا
ويروغ عنك كما يروغ الثعالب


صح لسان الشاعر

نص شعري ملئ بالحكمة وبالصور الشعرية الرائعة

الله يعطيك العافية على الاختيار الرائع

[فهد المسيكي]

الآدمـــــــــي عـــــايـــــش حـيـاةالــتــجــاريــب
يـومــن عــلــى جــرفــن ويــومــن عــدامــه
الـعـرق دسـاسـن عـلـى الـزيـن والـعـيـب
ولافـيــه شـخـصـن فـــي جبـيـنـه عــلامــه
غرتـنـي دقـونــن عـلــى الـوجــه تـركـيـب
وأهـــــــل الـتــصــنــع مـاعـلــيــهــا مــــلامــــه

عزالله انه جابهــا

صح لسانه ولاهنتي اختي انثى بعقل رجل على النقل

[محمد الحمود المسيكي]

شكر أختي أنثى بعقل رجل على هذا الطرح الممتاز ووفقك الله في حياتك

[دخيل ناهي]

العرق دساسن على الزين والعيـب
ولافيه شخصن في جبينـه علامـه


أنا أشهد أنه قال وأصاب بيت مفعم بالحكمه إلى حد الثماله

صح لسان الشاعر والناقل ولاهنتي أخيتي على هذا النقل الذي يدل على ذائقه لاترضى بالقليل