ببغاء حكيــــــــــــــــــــــــــــم‎

[محمد الطحيمر]

كان فيه واحد " على نياته " ..



جرّب يستثمر أمواله !



وكان عنده ببغاء يتكلم ..




مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! ..




راعيه ضاق صدره .. وقرر ياخذ الببغاء لمدرب الطيور علشان يعدّله ..




: يا مدرب الطيور ....




شف لك صرفة مع هذا الببغاء ...




كل ما شافني فشلني عند الناس " غبي ، غبي " !




أبيك تدربه زين وتعدّل كلامه ..




علشان يغيّر هالكلمات الي يرددها كل ما شافني




قال المدرب : ما عليك .. خلّه عندي كم يوم ..




ولما راح راعيه .. جاب المدرب " سطل " مويه حاااارة ...




وحطه قدامه ... وسأل الببغاء ..




: أنا مين ؟ !




قال الببغاء : أنت صديق الغبي ! ..




وينزله المدرب في المويه الحاااره ثم يطلّعه .. ويسأله ...




: أنا مين ؟




قال : أنت صديق الغبي ..




وينزله في الموية مرة ثانية .. ثم يطلعه ...



: أنا مين ؟



.. وعلى هالحال .. حتى تربى الببغاء وتسنّع ..



أخيرا .... قال له المدرب ...



: أنا مين ؟ !



قال الببغاء : أنت صديق أذكى واحد في العالم ..



ويوم جا راعي الببغاء .. قال المدرب : تفضل اسأله ..



قال راعي الببغاء .. : أنا مين ؟!



قال الببغاء : أنت مين ؟! وهذا سؤال !! ... أنت الذكي ....



إلا أنت أذكى واحد عرفته في حياتي !



قال له راعيه : .. طيّب ..



وإذا لعبت بفلوسي على كيفي ؟!



قال الببغاء : .. هذي فلوسك .. من عرق جبينك ..



تسوي فيها اللي تبي ..



قال : طيّب .. إذا دخّلت فلوسي عند " سابك" ؟ !



قال الببغاء : ممتاز .. حركة استثمارية في غاية الذكاء ....



ومن أذكى واحد في العالم ..



: طيّب ... وإذا دخلت فلوسي عند " بنك البلاد" ؟ ..



: طبيعي .. تنويع استثماري ... من أذكى واحد في العالم !



: طيّب ... وإذا دخلت فلوسي عند " الزراعية " ؟ ..



: ذكاء خارق ... وماشي مع الحكمة اللي تقول " لا تحط البيض



في سلة واحدة " ... فعلا أذكى واحد في العالم !



: طيّب ... وإذا دخلت فلوسي عند " الاتصالات" ؟ ..



: عادي ... وزي ما يقولون " حشر مع الناس عيد " ....



صحيح إنك أذكى واحد في العالم ..



: ... طيّب .. وإذا


دعمت نادي النصر؟؟!!



قال الببغاء : يا عمي هاااات الموية ! .....



قايلّك هذا أغبى واحد في العالم ماصدقتني !

[بواردي]

يعطيك العافية...

تسلم يمينك...
:patch_rir::patch_rir::patch_rir:

[سليمان البنيان]

لا لا لا بعدين يزعلوا اخوانا النصراويه

ويكثروا السطول

[محمد الطحيمر]

يعطيك العافية...

تسلم يمينك...
:patch_rir::patch_rir::patch_rir:

الله يعافيك دوووم هالضحكة يارب ومشكور على مرورك الكريم

[محمد الطحيمر]

لا لا لا بعدين يزعلوا اخوانا النصراويه

ويكثروا السطول

كثرت السطول تخوف خاصة الحاره الله يعطيك العافية على مرورك الطيب

[بدر .. ألبرادي]

هههههههههههههههه ياعمي قايل لك اغبى واحد بالغالم : عصب الببغاء
هههههههههههههههههههههه

تسلم على الموضوع ههههههههههه