برق الحماد...!! مصافحه اولى لمنتداكم الشامخ

[عويد كسار العنزي]

يموت عود وتندفن بذرة العود=واللي لقى جرم الحماده وقدها



بيت الشعر والبدو والطرش والذود=وارض المحل والجوع يقلع ضمدها




مافطّرت كبد السماء حدرها كود=نوح الحــمام بورقته لافــقدها




واربع فصول من السنه مابها فود=أم(ن) تــشح بثــديها عن ولـدها




حطــّوا على وجه الخريطه لها حدود=ماطشّت غيوم السماء من حسدها




قاع ٍ قفر جردى تلاعب مع النود=أعمى الغطاط عيونها من جهدها




تنطر متى وقت القنص علّه يعود=يوم ٍ به القــناص يـوفي وعدها




وحر(ن) عشق رجمٍ على حزومها السود=فـعل العديم بصــيدته لافــردها





مـاكـنه الا وايـلي ٍ رقـى سـنود=مــن وجهة الــغيمـه تنطّح بردها




واليوم سوح الرمث غلقٍ على ورود=ومـن الـعدم سبحان ربٍ وجـدها




وبرق الــحمـاد اللي سقى بذرة العود=قصـيدةٍ مــاكل شاعر قــصدهـا

[سليمان البنيان]

ماكنـه الا وايلـي ٍ رقــى سـنـود ................. مـن وجهـة الغيمـه تنطّـح بردهـا



هلا ومرحبا بالشاعر عويد كسار العنزي

وحياك الله في منتداك

وبدايه رائعه بابيات جميله وقويه لاتصدري الا من شاعر متمكن

وحياك الله وننتظر المزيد من ابداعاتك

[عويد كسار العنزي]

سليمان البنيان

صح بدنك اخوي وماعليك زود

انشاء الله اكون عند حسن ظنكم

تشرفت بمرورك تقديري واحترامي لشخصك الكريم

[السيف السعودي]

حياك ربي يالغالي

وصح الله لسانك على

هالابيات الرائعه

كروعه حضورك

آحترآمي

[عويد كسار العنزي]

السيف السعودي

ابقاك الله وصح بدنك اخوي لاهنت

تشرفت بمرورك لك مني كل تقدير واعذب تحيه

[منديل الفريح]

<TABLE dir=rtl style="BORDER-RIGHT: white 4px groove; BORDER-TOP: white 4px groove; FONT-WEIGHT: normal; FONT-SIZE: x-large; BACKGROUND-IMAGE: url(none); BORDER-LEFT: white 4px groove; COLOR: white; BORDER-BOTTOM: white 4px groove; FONT-STYLE: normal; FONT-FAMILY: ,simplified arabic,tahoma,ms sans serif,verdana,arial,helvetica; BACKGROUND-COLOR: darkblue" cellSpacing=0 cellPadding=0 width=1 border=0><TBODY><TR><TD style="PADDING-RIGHT: 15px; PADDING-LEFT: 15px; FONT-WEIGHT: normal; FONT-SIZE: x-large; COLOR: white; FONT-STYLE: normal; FONT-FAMILY: ,simplified arabic,tahoma,ms sans serif,verdana,arial,helvetica" vAlign=center noWrap align=middle>ماكنـه الا وايلـي ٍ رقــى سـنـود
مـن وجهـة الغيمـه تنطّـح بردهـا
</TD></TR><TR><TD style="PADDING-RIGHT: 15px; PADDING-LEFT: 15px; FONT-WEIGHT: normal; FONT-SIZE: x-large; COLOR: white; FONT-STYLE: normal; FONT-FAMILY: ,simplified arabic,tahoma,ms sans serif,verdana,arial,helvetica" vAlign=center noWrap align=middle>واليوم سوح الرمث غلـقٍ علـى ورود
ومـن العـدم سبحـان ربٍ وجـدهـا
</TD></TR></TBODY></TABLE>




صح السانك يالبناخي والله يحييك بين ربعك

[دانيال]

صح لسانك ياغالي

وحياك الله بين ربعك

الساعه المباركة يوم جيتنا



دانيال

[القناص]

اولا ارحب بك كل الترحيب وحياك الله يالغالي
بين أهلك وربعك
وصح الله السانك وعتلا شانك قصيدة رائعه كما روعة شاعرها
مبدع دايم وهذا غير مستغرب من شاعر كبير مثل عويد كسار
اخي الغالي انا حاولت او جه لك دعوة يوم كنت اللعب معك
في مجالس عنزة ولكني لم استطيع وانت تعرف ادارتهم
تمنع الدعوات عن طريق منتداهم وتراقب الرسايل
بشدة وتقبل احترامي وتقديري

اخوك المحب لك الشاعر/ محمد الطرقي

[دخيل ناهي]

حياك الله ياعويد الكسار
سعداء بانضمامك الينا ونتشرف بوجود من هم بحجم شاعريتك بيننا بداية قويه تدل على ذائقه شعريه
لاترضى بالقليل
نتعطش لمثل فرائدك شعراً فلا تحرمنا منها بانتظارك مصافحاتك الاخرى
وياهلا ومليوووون مرحبا