يا وجودي وجد من حط معروفه وضاع - حمد العيطلي المري

[صبي شهران]

قصيده من احب القصائد الي واكثر ما يطرب له قلبي

جدي يردد بعض ابياتها بلحنها المعروف ويطربني كل مره

كثرت الرويات في بعض ألفاظها ولكن لم يختلف احد على جمالها

للشاعر حمد العيطلي الجربوعي المري رحمه الله

اترككم مع القصيده



يا وجودي وجد من حط معروفه وضاع -- بين بوار ٍ و بين جحاد الجميل

او وجود اللي فقد ماقف القرم الشجاع - - محزمه في الضيق لا جاه مختف الشليل

او وجود حوير فاقد ٍ حلو الرضاع - - ماتت امه والمنايح حلال القوم حيل

او وجود اللي ورد له على تسعين باع - - لطموا لاولاد ذوده وهو ربعه قليل

ووجد راعي هجمة ٍ كنة الجوزا ضياع - - وانثنى طرادها يوم بار به الصميل

صاحبي بيني وبينه شبوب الحرب شاع - - حد قيمانه علي يوم انا منّه ذليل

جيت اباكافيه واخطيت قاعي والوقاع - - وعنزوا برماحهم يوم دنوا كل اصيل

اتصبر منه لا حل فراق الواداع - - مثل صبر عمير من صاحبه وقت ٍ طويل

[دخيل ناهي]

صح لسانك ولسان الشاعر والناقل واطال الله بعمر جدك أن شاء الله
لاهنت ياصبي شهران قصيده رائعه جدا ومن افضل ماشاهدته بهذا المنتدى
تحديداً( الشعر المنقول)

[عبداللطيف عقيل الجذله]

صح الله لسانك وصح الله لسان راعي القصيده

[السيف السعودي]

صح الله لسان الشاعر.....وتسلم يمينك على النقل المميز....~

قصيده في قمه الروعه....~

دمت كما تحب..~

[صبي شهران]

دخيل
عبداللطيف
السيف السعودي

الله لا يهينكم على المرور الجميل