محاوره بين محمدالطرقي وجواهر الوايليه

[القناص]

مــــحـــــمـــــد
سلام رديـه بهـا قـدر وجـب = اقولـهـا لطيبـيـن ابدابـهـا
عندي ذهب وبغى رجل عنده ذهب = والسلعه الشينه على من جابهـا



جــــــواهـــــــر
هلا هلا واعـداده عـد الرطـب = ماطاح من جذع النخل لاترابهـا
قالت جواهر والجواهر بالعجـب =اقر ب تــرا ابيـاتـاً لاطلابـهـا



مــــحـــــمـــــد
صـــــح الــســانــك
يامرحبا وهلين يابنـت العـرب = جتنا جواهر حضنا اللـي جابهـا
ابي انشدك يطيبه ويـش السبـب = شعارنـا صايـر كثيـر غيابهـا



جــــــواهـــــــر
لاتزود الرحله على متن الطلـب = والطايـره تـعـددو ركابـهـا
انا هنا انـا هنـا كلـن هـرب = اسوقهـا بحمولهـا واتعابـهـا



مــــحـــــمـــــد
صـــــح الــســانــك
الليله الليله نبـي نـار وحطـب = نبـي نشـب النـار ياشبابـهـا
وانتي كفيتي يوم جيتـي بالعنـب = نبي على الشعـار نفتـح بابهـا



جــــــواهـــــــر
انا معـك مادامهـا رد وعتـب = ابشربهـا بجيوشهـا واسرابهـا
لاينضـرب كتابهـا لوماكـتـب = اني على الجزله كربـت اطنابـه



مــــحـــــمـــــد
صـــــح الــســانــك
انا معك وانتي معي نبي الصعـب = حتـا تنـوخ زملهـا وصعابهـا
على الجزيلـه مانفكـر بالتعـب = نشيلهـا يـم العـلاء نرقابهـا



جــــــواهـــــــر
عطني يدك نرقا على متن السحب = نعيشها مـن منطلـق احبابهـا
اخافها تحسب على منهو حسـب = يضن بي ضن الـردا واسبابهـا



مــــحـــــمـــــد
انتي من الويلان من عز النسـب = بنت الرجال اللي تعز الصحابهـا
وراع المعرفه ماتسرع لاغضـب = يصبر ويعرف حلهـا وعرابهـا



جــــــواهـــــــر
كاس المراجل ينذكر لمن شـرب = وانته شربتـه ياحفيـد اشنابهـا
خلك معي باحلى الوناسه والطرب = يدك بيـدي يامنيتـي اسلاابهـا

[راعي العليا]

حطن وشيلن مثل شب الحطب ... اقولها للي بدوا بأسبابها
المسألة معكم مثل وقع الأدب ... سهلة ليامنك عرفت اعرابها

[نفل القهيدان]

جزاله جداً جميله

الله يعطيك العافيه

[العلاطي]

الليله الليله نبـي نـار وحطـب = نبـي نشـب النـار ياشبابـهـا



القناص امير الشعراء شكرا لك

<p><a href="register.php"><img border="0" src="images/no_links.gif"></a></p> xRXNtMXJJQUhJamMySW9ZN08rWWY1YXF5b0xzNDFGQ1dDTVhrQ mR2elRENVcyUzRPdnNQQmcwK0ttN3VqTGJnNU9kNG5RPT0=

[القناص]

شكرا اخي العلاطي هذا من ذوقك الراقي

احترامي وتقديري

[القناص]

جزاله جداً جميله

الله يعطيك العافيه


الغالي نفل كل الشكر على مرورك العطر والرائع

احترامي وتقديري يابن العم

[احمدعوض البرادي]

السلام عليكم ورحمة الله وبركاته

دائما رائع ومتألق ابويوسف

[القناص]

راعي العليا

احمد عوض

كل الشكر على مروركم الطيب

احترامي وتقديري

[دخيل ناهي]

القناص اسم على مسمى
شيء يالقناص شيء (ماشاء الله عليك)
ان اشهد انك تقدحها من مخ صافي يالخال
لاهنت محاورة جميلة كجمال حضورك
صح لسانك ولسان الشاعرة وان اشهد انها ماهي سهلة
لا تحرمنا يابويوسف من ابداعاتك وروائعك الجديدة

[القناص]

القناص اسم على مسمى
شيء يالقناص شيء (ماشاء الله عليك)
ان اشهد انك تقدحها من مخ صافي يالخال
لاهنت محاورة جميلة كجمال حضورك
صح لسانك ولسان الشاعرة وان اشهد انها ماهي سهلة
لا تحرمنا يابويوسف من ابداعاتك وروائعك الجديدة

تسلم يابو راكان على الاشاده والشهاده الطيبه اعتز وافتخر بها


شاكر مرورك وتعليقك الطيب

احترامي

[فايد هزاع الرشيد]

محاوره رائعه ....
وأروع مافيها وجودك يالقناص .....

تحياتي وتقديري لكما . ...

ونتمنى مزيدا" من أبداعكم العذب ....

[القناص]

محاوره رائعه ....
وأروع مافيها وجودك يالقناص .....

تحياتي وتقديري لكما . ...

ونتمنى مزيدا" من أبداعكم العذب ....


حياك الله يالغالي

الروعه في حضورك الطيب على متصفحي

احترامي وتقديري

[القناص]

كل الشكر المن مرو هنا