كم من صقر وقت الشدايد دجاجة

[صامت في زمن هزاز]

ما كل من يطرد ورا الصيد جابه........ ولا كل من ركب البحر صار بحار
ولا كل من يرمي هدف دوم صابه..... ولا كل من طرشت يرجع بالأخبار

ما كل من يضحك بدنيـاه مسـرور . ... لو ضحكتـه دايـم تحـرك حجاجـه
وما كل من يبكي من الناس مقهـور. بعض الدموع رخاص من شان حاجه


وما كل صادق لو حكا لك من شعور.... يا كثر من زيف المشاعـر خراجـه
وما كل ما يخفا من السـر مستـور. بعض الوجيه ابين من ارهف زجاجه

وما كل بيتٍ بابـه انصـك مهجـور......كم بيتٍ اطفا الشح واهـج سراجـه
وما كل وردٍ تزرعـه ينثـر عطـور .... لو ماه صافي مـا يخالـط هماجـه

وما كل مرهف قلب لو يزرع زهور . قلب يحب الورد وهو مثـل صاجـه
وما كل من يخطي من الناس معذور . البعض يخطي من علـوم العواجـه

وما كل من يسكت على الظيم مجبور . لجل الغلا ساكت ويدعـي انفراجـه
وما كل راسٍ ضيع الفكـر مسحـور.....كم راس سحر الحب جاب ارتجاجـه

وما كل علـه فادهـا طـب دكتـور........كم من عليلٍ وصـل خلـه علاجـه
وما كل من شاور حكيمٍ خذا الشـور.. بعض البشر مـا يقنـع الا مزاجـه

وما كل من سمي صقر يشبه صقُور...كم من صقرً وقت الشدايـد دجاجـه
وما كل فزاعٍ لجـل مـدح مشكـور ... البعض مرجلتـه وسامـه وتاجـه


القصيدة اعجبتني ونقلتها لكم بس مدري منو الشاعر

[القناص]

كل الشكر على النقل الطيب

احترامي وتقديري

[محمد سليمان النهير]

ما كل من يطرد ورا الصيد وما كل من سمي صقر يشبه صقُور...كم من صقرً وقت الشدايـد دجاجـه
وما كل فزاعٍ لجـل مـدح مشكـور ... البعض مرجلتـه وسامـه وتاجـه


القصيدة اعجبتني ونقلتها لكم بس مدري منو الشاعر

تسلم على النقل وقصدة روعه بصراااااحه

[صامت في زمن هزاز]

مشكورين على المرور ولكم مني التحية

[ابووليد القوري]

كم من صقر وقت الشديد دجاجه
والله انك صادق صح لسانك

[القوري]

شـكــ وبارك الله فيك ـــرا لك ... لك مني أجمل تحية .


تقبل تفحيطي